♡ Ye kaarwaan zindagi ka
Yaha zinda toh hain log, lekin zinda koi nahi
♡ Ye safar zindagi ka
Yaha bheed toh hai, lekin akela har koi
♡ Ye aayina hakeeqat ka
Yaha bhram me koi nahi, lekin bhram me har koi
♡ Ye khushi chehron ki
Yaha khush toh sab hain, lekin khush koi nahi
♡ Ye duniya bekhouf si
Yaha khouf me toh koi nahi, lekin khouf me har koi
♡ Ye bol meethe sabke
Yaha ek dusere ke toh sab hain, lekin ek dusere ka koi nahi
♡ Ye aazadi sapne dekhne ki
Yaha sapne toh har aankho me hain, lekin sapne kahi nahi
♡ Ye kalpana haste hue chehre ki
Yaha hasta toh har koi, lekin hasta koi nahi
♡ Ye aasani ik pal me baat ho jaane ki
Yaha paas toh sab hain, lekin paas koi nahi
♡ Ye waade zindagi bhar saath nibhane ke,
Yaha saath toh humesha ka hai, lekin bharosa agle pal ka nahi
♡ Ye raftaar bhaagti si
Yaha musaafir toh har koi, lekin manzil ka pata nahi
♡ Ye junoon duniya jeet lene ka,
Yaha yakeen toh sabko hai, lekin yakeen kisi ka nahi
♡ Ye vaham sab kuch paa lene ka
Yaha majboor koi nahi, lekin majboor har koi
♡ Ye khwaahish akash ki
Yaha bebas toh koi nahi, lekin bebas har koi
♡ Ye kaarwaan zindagi ka
Yaha zinda toh har koi, lekin zinda koi nahi
Nidhi • निधि 